واشنگٹن (صباح نیوز) امریکا نے کورونا کے خلاف جنگ میں پاکستان کی کامیابیوں کا اعتراف کرتے ہوئے پاکستان سے متعلق سفری ہدایت میں ترمیم کر دی اور کورونا کے حوالے سے زیادہ احتیاط برتنے کے الفاظ ہٹا دیے۔ امریکی محکمہ خارجہ نے پاکستان کی آبادی کے80 فیصد حصے کی مکمل ویکسی نیشن کا اعتراف بھی کیا۔سینٹرز فار ڈیزیز کنٹرول اینڈ پریوینشن کی رپورٹ پر ٹریول ایڈوائزری میں ترمیم کی گئی ہے۔ اس سے قبل پاکستان کو ہائی رسک کیٹیگری ون میں شمار کیا جاتا تھا۔