سینئر اداکار جمال شاہ نے مطالبہ کیا ہے کہ عمران خان اب پی ٹی وی کو اپنے سیاسی مقاصد کے لئے استعمال کرنا بند کر دیں وہ وزیراعظم نہیں رہے پی ٹی وی عوام کے ٹیکسوں سے چلتا ہے، تحریک انصاف کے فنڈز سے نہیں چلتا۔
ٹوئٹر پر اپنے اکاؤنٹ سے ایک ویڈیو پیغام میں جمال شاہ نے کہا کہ پی ٹی وی عوام کے پیسوں سے چلنے والا قومی چینل ہے لیکن عرصے سے ہر دور میں ہر حکومت نے اس کا مس یوز کیا۔
— Jamal Shah (@SydJamalShah) April 7, 2022
انہوں نے کہا کہ آج کل عمران خان اپنی حکومت کے خاتمے کے باوجود روز پی ٹی وی کی سکرین سے چپک کر پی ٹی وی ائیر ٹائم پر اپنے مخالفین کو غداری کے سرٹیفیکیٹ بانٹتے رہتے ہیں۔ جو کہ قانون کی سخت اور بہت بڑی خلاف ورزی ہے۔
انہوں نے کہا کہ پی ٹی وی عوام کا چینل ہے ، اس پر یہ حرکتیں نہیں ہونی چاہیں۔
جمال شاہ نے کہا کہ میں اپنی وکیل ایمان مزاری کے ذریعے اس حرکت کے خلاف سیکرٹری انفارمیشن اور ایم ڈی پی ٹی وی کو ایک پریزنٹیشن بھیجی ہے۔
آخر میں انہوں نے کہا کہ پی ٹی وی قانون کی خلاف ورزی فوری طور پر بند ہونی چاہیئے۔