کراچی:سابق وزیراعظم عمران خان خصوصی طیارے میں اسلام آباد سے کراچی پہنچے۔ شاہ محمود قریشی ، شہباز گل بھی عمران خان کے ہمراہ تھے۔
ایوی ایشن ذرائع کے مطابق سابق وزیراعظم کے چارٹرڈ طیارے نے کراچی ائیرپورٹ کے ٹرمینل پر لینڈ کیا۔ گورنر سندھ عمران اسماعیل اور پی ٹی آئی کے دیگر رہنماﺅں نے عمران خان کا ٹرمینل ون پر استقبال کیا۔عمران خان کے کراچی ائیرپورٹ پر استقبال کیلئے تحریک انصاف کی مرکزی اور صوبائی قیادت موجود تھی۔
سابق وزیراعظم عمران خان کو خصوصی انتظامات کے تحت گورنر ہاﺅس کراچی لایا گیا۔ سندھ رینجرز اور کراچی پولیس کی جانب سے بھی سابق وزیراعظم کے سیکیورٹی کے خصوصی انتظامات کیے گئے۔گورنر ہاﺅس میں اجلاس کے بعد عمران خان جناح گراﺅنڈ کے جلسے میں پہنچے۔
