افواج پاکستان کے ریٹائرڈ افسران کے جعلی سوشل میڈیا اکاونٹ بنانے والا پی ٹی آئی سوشل میڈیا ٹیم کا عہدیدار گرفتارکرلیا گیا۔
ذرائع کے مطابق سوشل میڈیا پرریٹائرڈ آرمی افسروں کے جعلی اکاؤنٹس بنانے والے شخص کو گرفتارکرلیا گیا۔
گرفتار ہونے والے ملزم نے بتایا کہ اس کا نام صداقت حسین ہے، وہ شاہ پور شہر سرگودھا کا رہائشی اور تحصیل شاہ پور میں پی ٹی آئی سوشل میڈیا کا ڈپٹی کنونیئر ہے۔
ملزم نے اعتراف جرم کرتے ہوئے کہا کہ علاقے میں پی ٹی آئی کے مقامی رہنما نے اسکا تحصیل شاہ پور میں پی ٹی آئی کے سوشل میڈیا کے ڈپٹی کنونئیر کا نوٹیفیکیشن کروایا۔ جس کے بعد اسے مختلف وٹس ایپ گروپس میں ایڈ کیا گیا جہاں پی ٹی آئی کے اظہر مشوانی ایڈمن تھے۔
ملزم نے بتایا کہ مس طلعت کاشف جو ڈپٹی سیکرٹری ہیں وہ کینیڈا میں مقیم ہیں جو ہمیں ہدایات جاری کرتی تھیں۔ وہ انہیں بتایا کرتی تھیں کہ ٹرینڈ کس طرح کرتے ہیں۔ ملزم نے طلعت کاشف سے کی گئی گفتگو کی ریکارڈ بھی فراہم کی۔
🚫⚠️ فیک اکاونٹ ایکسپوز ⚠️🚫
ریٹائرڈ فوجیوں کے نام سے منسوب جعلی اکاونٹ چلانے والا پی ٹی آئی کا عہدیدار سرگودھا سے گرفتار۔۔۔!
ملزم نے مزید بتایا کیسے فیک اکاونٹس کو آپریٹ کیا جاتا ہے۔ اور کیسے سوشل میڈیا پر ٹرینڈ بنوائے جاتے ہیں۔ pic.twitter.com/QeO0dagKe1— Expose Propoganda (@EPropoganda1) May 25, 2022
ملزم نے بتایا کہ اس کے چھوٹے بھائی اصغر کے اکاؤنٹ سے اس نے میجر جنرل ریٹائرڈ اصغر کا اکاؤنٹ بنایا۔ اس کے علاوہ اس کے پاس فیصل مشتاق نامی بندے کے شناختی کارڈ کی کاپی تھی جس پر اس نے میجر جنرل فیصل مشتاق کا اکاؤنٹ بنایا۔
ملزم نے بتایا کہ میرا مقصد پاک فوج کے افسران کا ایک سیاسی جماعت کو حمایت کا تاثر دینا تھا۔
ملزم کے مزید انکشافات !@FIA_Agency pic.twitter.com/qqTYcAc4FG
— Expose Propoganda (@EPropoganda1) May 25, 2022
ذرائع کے مطابق جعلی اکاؤنٹس ہولڈرز کے گرد گھیرا تنگ کیا جارہا ہے۔ اس سے قبل جنرل(ریٹائرڈ) ہارون اسلم اورجنرل (ریٹائرڈ) مرزا اسلم بیگ کے جعلی وائس کلپ سوشل میڈیا پرچلائے گئے تھے۔ اس طرح کی جعلسازی اوردھوکہ دہی ایک کاروبار کی شکل اختیارکرچکی ہے۔