نائیجیریا کے پورٹ ہارکورٹ شہر کے ایک گرجا گھر میں بھگدڑ مچنے سے اکتیس افراد ہلاک ہو گئے ہیں ۔
حکام کا کہنا ہے کہ لوگ ایک فلاحی تقریب کے آغاز کا انتظار کر رہے تھے جس میں لوگوں کو تحائف اور کھانا بانٹا جانا تھا۔
ایک عینی شاہد کا کہنا ہے کہ ہلاک شدگان میں بچے اور ایک حاملہ خاتون بھی شامل ہیں۔
اطلاعات کے مطابق اس واقعے کے بعد متاثرین کی جانب سے کلیسا حکام پر حملہ بھی کیا گیا۔
حکومت کی جانب سے اس واقعے کی تحقیقات کا آغاز کر دیا گیا ہے۔
