بھارت: آدتیہ ناتھ نے بابری مسجد کی جگہ رام مندر کا سنگ بنیاد رکھ دیا

لکھنؤ: بھارتی ریاست اترپردیش میں شہید کی جانے والی بابری مسجد کی جگہ زیر تعمیر رام مندر کے مقدس مقام گربھ گرہ کا سنگ بنیاد ریاست کے وزیراعلیٰ یوگی آدتیہ ناتھ نے رکھ دیا۔

بھارتی میڈیا کے مطابق اترپردیش کے وزیر اعلیٰ یوگی آدتیہ ناتھ نے نائب وزیراعلیٰ اور 90 کے قریب ماہر تعمیرات اور پنڈتوں کے ہمراہ ایودھیا میں بابری مسجد کی جگہ تعمیر کیے جانے والے رام مندر کے مقدس مقام کا سنگ بنیاد رکھ دیا۔

تقریب سے خطاب کرتے ہوئے متعصب وزیراعلیٰ یوگی آدتیہ ناتھ نے کہا کہ یہ بھارت کا قومی مندر اور اتحاد کی علامت ہوگا۔ بھارت کے عوام برسوں سے اس دن کا انتظار کر رہے تھے۔

#WATCH | Uttar Pradesh Chief Minister Yogi Adityanath lays the foundation stone for Ram Mandir’s Garbhagriha in Ayodhya. pic.twitter.com/Hw55YwdEqX

— ANI UP/Uttarakhand (@ANINewsUP) June 1, 2022

اتر پردیش کے وزیر اعلیٰ یوگی آدتیہ ناتھ نے کہا کہ ایودھیا رام مندر کی تعمیر کا کام تقریبا 2 سال قبل وزیراعظم نریندر مودی نے شروع کیا تھا۔ کام کامیابی کے ساتھ آگے بڑھ رہا ہے اور ہم خوش قسمت ہیں کہ ’گربھ گرہ‘ میں پتھر رکھنے کی رسم آج شروع کی گئی۔

واضح رہے کہ بھارتی سپریم کورٹ نے بابری مسجد کو گرا کر رام مندر تعمیر کرنے کا حکم دیا تھا اور دو برس قبل وزیراعظم مودی نے تعمیرات کا سنگ بنیاد رکھا تھا۔

منبع: ایکسپریس نیوز