روس صدارتی پیلس کریملن کے ترجمان دمتری پیسکوف نے کہا ہے کہ ہمیں امید ہے کہ یوکرین سے اناج کے اخراج سے متعلقہ مذاکرات مستقبل قریب تک جاری رہیں گے۔
روس سرکاری ٹیلی ویژن چینل ‘پروی’ پر بات چیت میں پیسکوف نے یوکرین سے اناج کے اخراج کے بارے میں بیان جاری کیا ہے۔
انہوں نے یوکرین کی بندرگاہوں سے اناج کے اخراج کو یقینی بنانے کے لئے گذشتہ ہفتے ترکی، روس اور یوکرین کے فوجی وفود اور اقوام متحدہ کے وفد کے درمیان استنبول میں منعقدہ اجلاس کی یاد دہانی کروائی اور کہا ہے کہ "ہمیں توقع ہے کہ یہ مذاکرات مستقبل قریب تک جاری رہیں گے”۔
پیسکوف نے کہا ہے کہ "ہم عالمی غذائی بحران کے حل میں کردار ادا کرنے کے لئے تیار ہیں۔ اس بحران کا سبب یوکرین کی صورتحال یا پھر یوکرین کا اناج نہیں ہے۔ یہ موضوع مسئلے کا ایک جزوی حصہ ہے۔ اس کے باوجود ہم، یوکرین کے اناج کی عالمی منڈیوں تک رسائی کو یقینی بنانے کے لئے، ہر طرح کے اقدام کے لئے تیار ہے”۔
