امریکہ کی خفیہ ایجنسی ‘سی آئی اے’ کے ڈائریکٹر بِل برنز نے کہا ہے کہ یوکرین جنگ میں روس مسلح افواج کا جانی نقصان 15 ہزار اور یوکرین مسلح افواج کا جانی نقصان بھی اس کے لگ بھگ ہے۔
سی آئی اے ڈائریکٹر برنز نے کولوراڈو میں منعقدہ آسپین سکیورٹی فورم سے خطاب کیا۔
انہوں نے دعوی کیا ہے کہ روس کے صدر ولادی میر پوتن نے خود کو قائل کر رکھا ہے کہ وہ روس کو دوبارہ سے سُپر پاور بنائیں گے اور ان کے خیال میں ایسا صرف یوکرین پر قبضے سے ہی ممکن ہو سکے گا۔
جنگ کی صورتحال اور روس کے جانی نقصان کے بارے میں سوال کے جواب میں برنز نے کہا ہے کہ "جانی نقصان کی حتمی تعداد موجود نہیں ہے۔ امریکہ خفیہ ایجنسی کے حالیہ اندازوں کے مطابق روس کا فوجی جانی نقصان 15 ہزار کے لگ بھگ اور زخمیوں کی تعداد اس سے 3 گنا زیادہ ہے۔ نتیجتاً یہ کافی بھاری جانی نقصان ہے۔ یوکرین مسلح افواج کا جانی نقصان بھی بہت زیادہ ہے۔ اندازے کے مطابق یوکرین کا جانی نقصان روس سے کچھ کم ہے”۔
