جلال آباد: افغانستان کے مشرقی صوبہ ننگرہار میں تازہ ترین اچانک سیلاب سے کم از کم 5 افراد ہلاک اور 10 دیگر زخمی ہوگئے۔
صوبائی گورنر کے دفتر نے اپنے ایک بیان میں کہا کہ تباہ کن سیلاب صوبائی دارالحکومت جلال آباد اور صوبے کے کچھ اضلاع میں 320 مکانات اور سینکڑوں ایکڑ فصلوں کو بہاکر لے گیا۔
بیان میں ان کا کہنا تھا کہ سیلاب سے دارالحکومت کابل کو مشرقی صوبے سے ملانے والی سڑک پر ایک اہم پل بھی بہہ گیا تھا جس سے سڑک بند ہے۔افغانستان کے پنج شیر اور تخار صوبوں میں 2 روز قبل شدید بارش اور سیلاب سے املاک کو بھاری نقصان پہنچا تھا تاہم کسی جانی نقصان کی اطلاع نہیں ملی۔
