کرغزستان کے صدر سادیر کیپاروف نے 24ویں ترک بولنے والے ممالک کی خصوصی خدمات (TÜRKON) کانفرنس کے وفود کے سربراہان کو شرفِ ملاقات بخشا ہے ۔
نیشنل انٹیلی جنس آرگنائزیشن کے سربراہ حقان فیدان نے بھی کانفرنس میں شرکت کی۔
کرغزستان پریذیڈنسی پریس سینٹر کی جانب سے جاری کردہ بیان میں کپاروف نے کہا کہ نئے دور کو مسائل کے حل اور مشکلات اور خطرات پر قابو پانے کے لیے نئے انداز فکر کی ضرورت ہے۔ چولپون اتا شہر میں منعقدہ کانفرنس کے وفود کے سربراہان نے شرکت کی۔
اس موقع پر کیپاروف نے کہاہے کہ ان خطرات اور چیلنجوں کے خلاف جنگ میں اہم نتائج حاصل کرنا مسلسل اور منظم کام، مشترکہ اور مربوط کوششوں سے ہی ممکن ہے۔ اس تناظر میں، مجھے یقین ہے کہ اس پلیٹ فارم کی بامعنی اور تعمیری بات چیت ایک اہم کردار ادا کرے گی۔
انہوں نے کہا کہ وہ اس بات پر یقین رکھتے ہیں کہ اجلاس میں شریک ممالک کی خصوصی خدمات کے درمیان قریبی تعاون سیکورٹی کو مضبوط بنائے گا اور بین الاقوامی دہشت گردی، بنیاد پرستی اور دیگر عالمی مسائل کے خلاف موثر جنگ میں مدد کرے گا، کپاروف نے کہا کہ کرغز فریق مؤثر طریقے سے کام کرنے کے لیے تیار ہے۔
ازبکستان نے 2018 میں ترکون میں شمولیت اختیار کی تھی۔
