اسلام آباد: وفاقی حکومت کی جانب سے محرم الحرام میں نگرانی کے لیے کنٹرول روم قائم کرنے کا فیصلہ کیا گیا ہے۔
سماجی رابطے کی ویب سائٹ پر اپنے ایک بیان میں وفاقی وزیر داخلہ رانا ثنا اللہ نے محرم الحرام کی سیکورٹی کے متعلق بات کرتے ہوئے کہا کہ ماہ محرم میں جلوسوں اور مجالس کو فول پروف سیکورٹی فراہم کرنے کے لیے خصوصی سیکورٹی ٹیمیں تشکیل دی جائیں گی۔
انہوں نے کہا کہ محرم الحرام میں نگرانی کے لیے کنٹرول روم قائم کرنے کا فیصلہ کیا گیا۔ مذہبی منافرت کو روکنے کے لیے آن لائن پلیٹ فارمز کی کڑی نگرانی کی جائے گی۔