لاہور: سوشل میڈیا پر وائرل ننھے بیٹر کی بالآخر پاکستان کرکٹ ٹیم کے سابق کپتان محمد یوسف سے ملاقات ہوگئی ہے۔
گزشتہ دنوں پاکستان کرکٹ ٹیم کے موجودہ بیٹنگ کوچ محمد یوسف نے ایک بچے کی بیٹنگ کرتے ہوئے ویڈیو شیئر کرتے ہوئے مداحوں سے اس کا نمبر مانگا تھا۔
محمد یوسف نے ویڈیو کے کیپشن میں لکھا تھا کہ اس بچے کو کوئی جانتا ہے؟ اگر کسی کے پاس اس کا کانٹیکٹ نمبر یا ڈیٹیل ہو تو ضرور بھیجیں۔
دودن پہلےبچہ کی ویڈیوپوسٹ کی تھی،آپ سب کاشکریہ،آج اس سےملاقات ہوگئی،اس بچہ کی اتنی چھوٹی سی عمرمیں بیٹ سپیڈ،
hand eye coordination
اچھی تھی۔مگرہم نےاپنےبچوں کووہ چیزیں سکھانی کہ آگےچل کروہ ہرفارمیٹ کھیل سکے۔بچوں کی حوصلہ افزائی بہت ضروری ہے۔یہی بچے آگےچل کرملک کانام روشن کریں گے pic.twitter.com/j0kubg1WyO— Mohammad Yousaf (@yousaf1788) August 9, 2022
تاہم کم عمر بیٹر نے گزشتہ روز سابق کپتان اور لیجنڈ محمد یوسف سے ملاقات کی اور ان کے ساتھ نیٹ پر بیٹنگ کی اس دوران قومی ٹیم کے بیٹنگ کوچ نے اسے ٹپس بھی دیں۔
سوشل میڈیا پر بیان جاری کرتے ہوئے محمد یوسف نے کہا کہ ‘چھوٹی سی عمرمیں بیٹ اسپیڈ اور ہینڈ، آئی کارڈینیشن اچھی تھی، ہم نے اپنے بچوں کو وہ چیزیں سکھانی ہیں کہ آگے چل کر وہ ہر فارمیٹ کھیل سکے۔
انہوں نے کہا کہ بچوں کی حوصلہ افزائی ضروری ہے یہی آگے چل کر ملک کا نام روشن کریں گے۔