سعودی عرب کے ولی عہد شہزادہ محمد بن سلمان نے وزیر خزانہ نورالدین نباتی سے ملاقات کی ہے۔
موصولہ اطلاعات کے مطابق جدہ کے السلام محل میں ولی عہد شہزادہ سلمان اور وزیر نباتی کے درمیان ہونے والی ملاقات میں صدارتی ترجمان ابراہیم قالن نے بھی شرکت کی۔
ملاقات کے دوران جس کی وزارت خزانہ کے ذرائع نے تصدیق کی، ترکیہ اور سعودی عرب کے درمیان دو طرفہ تعلقات پر تبادلہ خیال کیا گیا۔
صدر ایردوان نے اپریل میں سعودی عرب کا دورہ کیا جس کے بعد دونوں ممالک کے درمیان گرمجوشی سے تعلقات دوبارہ قائم ہوئے ہیں اور اس کے بعد ولی عہد شہزادہ سلمان جون میں ترکیہ کا دورہ کیا تھا ۔
صدارتی کمپلیکس میں ہونے والی ملاقاتوں کے بعد جاری ہونے والے مشترکہ بیان میں کہا گیا کہ دونوں ممالک کا مقصد باہمی تجارت کو فروغ دینا اور متنوع بنانا، دونوں ممالک کے درمیان باہمی تجارت کو آسان بنانا اور مشکلات پر قابو پانا، سرکاری اور نجی شعبوں میں رابطے کو بڑھانا ہے۔ دونوں ممالک کے درمیان سرمایہ کاری کے مواقع تلاش کرنے اور انہیں مختلف شعبوں میں ٹھوس شراکت داری میں تبدیل کرنے کے لیے کہا گیا۔