جرمن چانسلر اولاف شُولز کورونا وائرس میں مبتلا ہو گئے ہیں۔
جرمن خبر رساں ایجنسی ‘ڈی پی اے’ کےمطابق حکومتی ترجمان سٹیفن ہیبسٹریٹ نے کہا ہے کہ چانسلر شُولز کا کورونا ٹیسٹ پازیٹو آیا ہے اور انہیں، وزارت اعظمیٰ کی عمارت میں، قرنطینہ میں لے لیا گیا ہے۔
ہیبسٹریٹ کے مطابق شُولز میں نزلے زکام کی معمولی علامات دیکھنے میں آ رہی ہیں اور کورونا ٹیسٹ مثبت آنے کے بعد رواں ہفتے میں متوقع رائے عامہ کے لئے کھُلے مذاکرات منسوخ کر دئیے گئے ہیں۔ تاہم شُولز ریاستی وزرائے اعلیٰ کے ساتھ اجلاس اور دیگر سرکاری اجلاس میں آن لائن شرکت کریں گے۔
واضح رہے کہ شُولز نے 24 تا 25 ستمبر کو سعودی عرب، متحدہ عرب امارات اور قطر کا دورہ کیا تھا۔
دوسری طرف جرمنی کی وزیر داخلہ نینسی فاسر نے بھی ٹویٹر سے جاری کردہ بیان میں کووِڈ۔19 میں مبتلا ہونے کا اعلان کیا اور موسم خزاں میں ہر ایک سے محتاط رہنے کی اپیل کی ہے۔