نیٹو اور یورپی یونین ایک نیا مشترکہ بیان جاری کرنے کی تیاری کر رہے ہیں جس میں سیکورٹی تعاون پر زور دیا جائے گا۔
نیٹو کے سیکرٹری جنرل ینز اسٹولٹن برگ اور یورپی یونین کمیشن کی صدر ارسلا وان دیر لیین نے بیلجیئم کے دارالحکومت برسلز میں یورپی یونین کمیشن کے دفتر میں ملاقات کی۔
ملاقات کے بعد سوشل میڈیا پر جاری مشترکہ بیان کے مطابق فریقین نے یوکرین پر روس کے حملوں کے پیش نظر اس ملک کی حمایت میں اضافے پر تبادلہ خیال کیا۔
بیان میں کہا گیا ہے کہ "نیٹو-یورپی تعاون سلامتی اور استحکام میں اہم کردار ادا کرتا ہے۔ اسی لیے ہم سمجھتے ہیں کہ اب وقت آگیا ہے کہ ہماری شراکت داری کو آگے بڑھانے والے ایک نئے مشترکہ بیان پر اتفاق کیا جائے ۔”
نیٹو اور یورپی یونین نے 2016 اور 2018 میں بھی مشترکہ بیانات جاری کرتے ہوئے باہمی تعاون کی اہمیت پر زور دیا تھا۔