عالمی بینک نے ترکی کو موسمیاتی اور قدرتی خطرات سے بچنے والے مکانات اور بنیادی ڈھانچے تک رسائی بڑھانے کے لیے 512.2 ملین ڈالر کے قرض کی منظوری دے دی ہے۔
بینک کی جانب سے جاری بیان میں کہا گیا ہے کہ موسمیاتی اور آفات سے بچنے والے شہروں کے منصوبے کے لیے فنانسنگ فراہم کی گئی ت ہے۔
بیان میں بتایا گیا کہ عالمی بینک کے بورڈ آف ایگزیکٹو ڈائریکٹرز نے ترکی کو 512.2 ملین ڈالر کی فنانسنگ کی منظوری دے دی ہے تاکہ ملک کی معاشی ترقی اور لوگوں کی زندگیوں کا تحفظ دینے کے لیے موسمیاتی اور قدرتی خطرات سے بچنے والے مکانات اور انفراسٹرکچر تک رسائی کو بڑھایا جا سکے۔
بیان میں کہا گیا کہ ترقی یافتہ انفراسٹرکچر سے 10 لاکھ سے زائد افراد مستفید ہوں گے اور 32 ہزار افراد پرخطر رہائشی عمارتوں کی تعمیر نو یا ان کو تقویت دینے کے لیے فراہم کیے گئے قرضوں سے مستفید ہوں گے۔
بیان میں اس بات پر زور دیا گیا کہ آب و ہوا کے اثرات سے مزاحم رہائش گاہوں اور بنیادی ڈھانچے کی سہولیات کو بنانا ترکی کے لیے ضروری ہے کہ وہ موسمیاتی تبدیلی اور ماحولیاتی پائیداری سے متعلق اپنے وعدوں کو پورا کرے اور اپنی اقتصادی ترقی کو برقرار رکھے، اور ترکیہ میں عمارت (رئیل اسٹیٹ) کا شعبہ ملک میں گرین ہاؤس گیسوں کے اخراج کا تقریباً 12 فیصد پر مشتمل ہے۔