وینزویلا میں شدید بارشوں کے بعد ہونے والی لینڈ سلائیڈنگ کے نتیجے میں 22 افراد ہلاک جبکہ 50 سے زائد افراد لاپتہ ہیں۔
دارالحکومت قارا قاس کے مغرب میں واقع شہر لاس تیجیریا میں شدید بارشوں کے باعث علاقے میں کئی دریا وں میں طغیانی آئی اور مٹی کے تودے گرنے کے واقعات پیش آئے۔
وینزویلا کی نائب صدر ڈیلسی روڈریگز نےبتایا ہے کہ مٹی کے تودے گرنے سے 22 افراد جان کی بازی ہار گئے، جبکہ 50 سے زائد لاپتہ افراد کی تلاش کا کام جاری ہے۔ حادثات میں جانیں گنوانے والوں میں بچے بھی شامل ہیں، اور ملک 3 روزہ قومی سوگ کا اعلان کیا گیا ہے۔
حکام نے اعلان کیا کہ علاقے میں ڈیڑھ گھنٹے سے زائد جاری رہنے والی موسلادھار بارش کی وجہ سے کئی مکانات تباہ ہو گئے اور کچھ بستیوں میں بجلی منقطع ہو گئی۔
اس واقعے کی بنا پر لاس ٹیجیریا شہر کو آفت زدہ علاقہ قرار دے دیا گیا تو امدادی کاروائیون اور صفائی کی کوششیں جاری ہیں۔