نیٹو کے سیکرٹری جنرل ینز اسٹولٹن برگ نے کہا کہ جوہری ہتھیاروں کا استعمال (روس-یوکرین) تنازع کی نوعیت کو بنیادی طور پر تبدیل کر دے گا اور اس کے سنگین نتائج برآمد ہوں گے۔
نیٹو کے وزرائے دفاع کے دو روزہ اجلاس کے اختتام پر ایک پریس کانفرنس کرنے والےینز اسٹولٹن برگ نے بتایا کہ وزراء نے یوکرین کی امداد و حمایت کو بڑھانے، بلاک کی باز رکھنے کی طاقت کو مضبوط بنانے، نیٹو کے اہم انفراسٹرکچر کو مزید اثاثے فراہم کرنے ، لچکداری اور انٹیلی جنس کے ساتھ تحفظ فراہم کرنے پر اتفاق کیا ہے۔
یہ بتاتے ہوئے کہ اتحادیوں نے کل صبح نیوکلیئر پلاننگ گروپ کے باقاعدہ اجلاس میں شرکت کی، اسٹولٹن برگ نے اس معاملے پر مشاورت اور ہم آہنگی کی اہمیت کی طرف توجہ مبذول کرائی۔
انہوں نے کہا کہ "پوتن کی جوہری بیان بازی خطرناک اور غیر ذمہ دارانہ ہے۔ ہم پوتن کی جوہری دھمکیوں کو سنجیدگی سے لیتے ہیں، لیکن ہم ہمت نہیں ہاریں گے ، جوہری ہتھیاروں کا استعمال بنیادی طور پر تنازع کی نوعیت کو بدل دے گا اور اس کے سنگین نتائج برآمد ہوں گے۔”
اسٹولٹن برگ نے روس کے جوہری ہتھیاروں کا استعمال کرنے کی صورت میں نیٹو کے اس کا جواب دینے یا نہ دینے پر مبنی ایک سوال کے جواب میں کہا کہ "وہ حالات جن کے تحت نیٹو کو جوہری ہتھیار استعمال کرنا پڑ سکتے ہیں وہ بہت دور کی بات ہے۔”