یوگنڈا کے صدر یوویری موسیوینی نے کہا ہے کہ ملک کے بعض علاقوں میں ایبولا وائرس کی تشخیص کے بعد متاثرہ علاقوں میں کرفیو کا اعلان کر دیا گیا ہے۔
موسیوینی نے ٹیلی ویژن سے عوام سے خطاب میں کہا ہے کہ ایبولاوائرس کے خلاف حفاظتی تدابیر میں اضافہ کر دیا گیا ہے۔
انہوں نے کہا ہے کہ ایبولا سے متاثرہ علاقوں موبندے اور کاساندا میں داخلہ و خروج ممنوع قرار دے دیا گیا ہے اور مقامی وقت کے مطابق شام 7 بجے سے صبح 6 بجے تک علاقے میں کرفیو لگایا جائے گا۔
واضح رہے کہ ملک میں 19 ستمبر کو پہلی دفعہ 24 سالہ شخص میں ایبولا وائرس کی تشخیص کی گئی۔ اس وقت تک ایبولا کی وجہ سے 19 افراد ہلاک ہو چکے ہیں۔
