روسی قوتوں نے آج صبح یوکرینی دارالحکومت کیئف پر کامی کازے ڈرونز کے ذریعے حملے کیے جن میں 3 افراد ہلاک ہو گئے۔
کیئف بلدیہ کے ناظم اعلی ویتال کلیچکو نے سوشل میڈیا پر اس حوالے سے بتایا کہ آج صبح کیئف پر 28 کامی کازے میزائل داغے گئے جو کہ شہر کے 5 مختلف علاقوں پر آن گرے۔
کلیچکو نے بتایا کہ ان حملوں کی زد میں ایک عمارت کو نقصان پہنچا جس کے ملبے سے 3 افراد کی نعشیں بازیاب کی گئی ہیں جن میں ایک چھ ماہ کی حاملہ خاتون اور اس کا شوہر بھی شامل تھا۔