الجزائر کے صدر عبدالمجید طبون اور فلسطینی صدر محمود عباس نے الجزائر کی سرپرستی میں فلسطین مصالحت کے حوالے سے بات چیت کی۔
الجزائر ایوان صدر کی جانب سے جاری کردہ تحریری بیان میں واضح کیا گیا ہے کہ طبون نے فلسطینی صدر مملکت عباس سے ٹیلی فون پر بات چیت کی۔
بیان میں کہا گیا ہے کہ عباس نے اپنی اور فلسطینی عوام کی جانب سے الجزائر کی سرپرستی میں فلسطینی گروپوں کے درمیان طے پانے والی مفاہمت پرطبون کا شکریہ ادا کیا۔
طبون نے فلسطینی گروہوں کے درمیان مفاہمت کے حصول کے لیے عباس کی کوششوں کو بھی سراہتے ہوئے کہا ہے کہ امید ہے کہ فلسطینی گروہوں کی مفاہمت میدان میں نظر آئے گی۔
فلسطین میں سیاسی تقسیم کو ختم کرنے کے لیے 14 گروپوں، خاص طور پر حماس اور الفتح کے نمائندوں کی شرکت کے ساتھ فلسطین مذاکراتی عمل ، 11 اکتوبر کو الجزائر میں شروع ہوا تھا۔ فلسطینی گروہوں نے13 اکتوبر کوطے پانے والے الجزائر اعلامیہ پر دستخط کیے تھے۔