جامشورو: جامشورو کے علاقے خانوٹ کے قریب غیر ملکی شہریوں کی گاڑی اور مزدا ٹرک میں تصادم کے نتیجے میںدوغیرملکیوں سمیت 3زخمی ہو گئے ۔
تفصیلات کے مطابق حادثے میں 2 غیر ملکی شہری اور ان کا پاکستانی ڈرائیور زخمی ہوا ہے۔
زخمی ہونے والوں میں عبداللہ کاظمی اور سہیل متحدہ عرب امارات کے شہری ہیں۔
پولیس نے کہا کہ زخمیوں کو فوری طبی امداد کے لئے لمس ہسپتال جامشورو منتقل کر دیا گیا۔
پولیس کا یہ بھی کہنا ہے کہ پولیس نے مزدا ٹرک کو اپنی تحویل میں لے کر واقعہ کی تحقیقات شروع کر دیں۔