اسلام آباد / واشنگٹن: امریکا نے پاکستانی سیلاب متاثرین کی مدد کے لیے مزید تین کروڑ ڈالرز فنڈز دینے کا اعلان کردیا۔
امریکی سفارت خانے کی جانب سے جاری بیان میں بتایا گیا ہے کہ امریکا سیلاب متاثرین کی مدد کے لیے مختلف مد میں پاکستان کو اب تک 9 کروڑ 70 لاکھ ڈالر فراہم کرچکا ہے۔
امدادی رقم میں اضافے کا اعلان امریکی سفیر ڈونلڈ بلوم نے سندھ کے ضلع شکار پور میں سیلاب متاثرہ علاقے کے دورے کے موقع پر کیا۔ انہوں نے متاثرین میں خیمے، بیت الخلا اور حفظان صحت کی کٹس بھی تقسیم کیں۔
“We have been here for the people of Pakistan since the beginning, supporting the most vulnerable communities. With these new funds, the United States will expand upon its existing response, enabling USAID to reach more than 1.8 million people in Pakistan.” -DB #AmbBlome pic.twitter.com/wVaiRaH5YB
— U.S. Embassy Islamabad (@usembislamabad) October 27, 2022
یہ بھی واضح کیا کہ یہ امدادی رقم سیلاب متاثرین کے لیے خوراک، آفات سے نمٹنے کی تیاری اور استعداد بڑھانے کی صلاحیتوں کے لیے فراہم کی گئی ہے۔
امریکی سفارت خانے کے بعد اضافی امدادی رقم اور یو ایس ایڈ کی جانب سے دیے جانے والے فنڈز بیس لاکھ افراد میں تقسیم کیے جائیں گے۔
دوسری جانب وزیر خارجہ بلاول بھٹو زرداری نے امریکا کی جانب سے مشکل وقت میں مدد کرنے پر شکریہ ادا کرتے ہوئے کہا کہ ملک بھر میں سیلاب متاثرین کی مدد کرنا آج بھی سب سے اہم معاملہ ہے۔