’حقیقی آزادی مارچ‘ سے متعلق اہم نکات:
پی ٹی آئی کا ‘حقیقی آزادی مارچ‘ کا آغاز لبرٹی چوک لاہور سے اور اختتام اسلام آباد میں ہوگا۔
لانگ مارچ کا پہلا دن کینیا میں قتل ہونے والے پاکستانی صحافی ارشد شریف کے نام کیا گیا ہے۔
مارچ کا مقصد ملک میں عام انتخابات کا انعقاد کروانا ہے۔
عمران خان کی جانب سے رواں سال یہ دوسرا لانگ مارچ کیا جارہا ہے، 25 مئی کو بھی لانگ مارچ کیا گیا تھا۔
اسلام آباد پولیس نے 13 ہزار سے زائد اہلکار تعینات کیے ہیں۔
پی ٹی آئی نے یقین دہانی کرائی ہے کہ مارچ پرامن اور متعین حدود میں کیا جائے گا۔
لانگ مارچ کا پہلا دن کینیا میں قتل ہونے والے پاکستانی صحافی ارشد شریف کے نام کیا گیا ہے۔
حقیقی آزادی مارچ کی قیادت کے لیے سابق وزیراعطم اور چیئرمین پی ٹی آئی عمران خان لبرٹی چوک پہنچ گئے۔
Tsunami at Liberty Chowk! Chairman PTI @ImranKhanPTI has arrived! #حقیقی_آزادی_لانگ_مارچ pic.twitter.com/PrVgiMNNcH
— PTI (@PTIofficial) October 28, 2022
لانگ مارچ کے لیے فوری این او سی جاری کرنے کی پی ٹی آئی کی درخواست مسترد
اسلام آباد کی ضلعی انتظامیہ نے پی ٹی آئی لانگ مارچ کے لیے فوری طور پر این او سی جاری کرنے کی درخواست مسترد کر دی۔
اس سلسلے میں اسلام آباد کی ضلعی انتظامیہ نے پی ٹی آئی کو ایک نیا لیٹر جاری کر دیا، لیٹر میں کہا گیا ہے کہ پی ٹی آئی نے ماضی میں این او سی کی خلاف ورزیاں کیں، پی ٹی آئی لیٹر کا شق وار وضاحت دے۔
لیٹر میں کہا گیا ہے کہ 25مئی کو بھی این او سی دیا گیا لیکن اس کی خلاف ورزی کی گئی، پی ٹی آئی تحریری طور پر انتظامیہ کو مطمئن کریں۔
خط میں کہا گیا ہے کہ پی ٹی آئی 2 جولائی کو جلسہ کے لئے کیمرہ بھی انسٹال نہیں کیے گئے، این او سی کی درخواست مسترد نہ کرنے کی وجوہات کی وضاحت کی جائے۔
قبل ازیں، اسلام آباد میں پی ٹی آئی جلسہ کی اجازت سے متعلق ضلعی انتظامیہ سے مذاکرات کے لیے بابر اعوان اور علی نواز اعوان ڈی سی آفس پہنچے تھے۔
اسلام آباد میں پی ٹی آئی جلسہ،دھرنا کی اجازت لینے کا معاملہ پی ٹی آئی رہنماء ضلعی انتظامیہ سے مذاکرات کے لئے ڈی سی آفس پہنچ گئے ڈاکٹر بابر اعوان اور علی نواز اعوان ڈی سی اسلام آباد سے مذاکرات کریں گے @PTIofficial @dcislamabad pic.twitter.com/6sMofKrd7p
— Shakeel Qarar (@Qarar009) October 28, 2022
عمران خان لانگ مارچ کی قیادت کے لیے رہائش گاہ سے روانہ
سابق وزیراعظم اور پاکستان تحریک انصاف کے چیئرمین عمران خان لبرٹی چوک سے ’حقیقی آزادی لانگ مارچ‘ کی قیادت کے لیے اپنی رہائش گاہ زمان پارک سے روانہ ہوگئے ۔
لبرٹی چوک میں کارکنوں کی بڑی تعداد عمران خان کے استقبال کی منتظر ہے۔
عمران خان آرہا ہے اور پہلے سے زیادہ زور کے ساتھ آرہا ہے، بابر اعوان
Chairman PTI @ImranKhanPTI has departed for Liberty Chowk! #حقیقی_آزادی_لانگ_مارچ pic.twitter.com/UoUhqx1Ctv
— PTI (@PTIofficial) October 28, 2022
پی ٹی آئی کے رہنما بابر اعوان نے کہا ہے کہ کچھ لوگ پارٹی کے بارے میں پروپیگنڈ کر رہے ہیں کہ پارٹی بکھر رہی ہے لیکن پارٹی متحد ہے۔
انہوں نے کہا کہ ہم کسی صحافی کو لفافہ نہیں کہتے ہیں لیکن سب کو بتادینا چاہتے ہیں کہ لاکھوں کی تعداد میں لوگ باہر نکل رہے ہیں، یہ لوگ مارچ ماضی کے لانگ مارچ سے زیادہ بڑا ہوگا، لوگ لاکھوں کی تعداد میں باہر نکلیں گے، عمران خان آرہا ہے اور پہلے سے زیادہ زور کے ساتھ آرہا ہے۔
بابر اعوان نے کہا کہ یہ حقیقی آزادی مارچ صحیح معنوں میں لانگ واک ٹو فریڈم ہوگا جیسا کہ نیلسن مینڈیلا نے کیا تھا، پی ٹی آئی نے گزشتہ 6 ماہ میں ریکارڈ جلسے کیے اور تمام جلسے پر امن تھے۔
ان کا کہنا تھا کہ تین چیزوں پر نظر رکھیں، کوئی سفید پوش گڑبڑ کرتا نظر آئے تو سمجھ جائیں کہ وہ ہمارا نہیں بلکہ امپورٹڈ کا نمائندہ ہے، انہوں نے کہا کہ کچھ لوگ پروپگنڈا کریں گے کہ پارٹی متحد نہیں اور تیسری بات یہ ہے کہ الیکشن کے علاوہ ملکی مسائل اور تباہ حال معیشت کی بحالی کا کوئی حل نہیں ہے۔
عوام کا جم غفیر لبرٹی چوک لاہور پر اپنے کپتان عمران خان کا منتظر۔
#حقیقی_آزادی_لانگ_مارچ pic.twitter.com/7CJXnOmTJr— PTI (@PTIofficial) October 28, 2022
آزادی مارچ: عمران خان کا کنٹینر لبرٹی چوک پر پہنچ گیا
تحریک انصاف کے حقیقی آزادی مارچ کے سلسلے میں چیئرمین عمران خان کا کنٹینر لبرٹی چوک پہنچ گیا ہے۔
عمران خان کا کنٹینر لاہور لبرٹی چوک پہنچ گیا- #حقیقی_آزادی_لانگ_مارچ
pic.twitter.com/AUpz10fQ7A— PTI (@PTIofficial) October 28, 2022
آزادی مارچ میں شرکت کے لیے عوام کی لبرٹی چوک آمد کا سلسلہ جاری ہے۔
فواد چوہدری لانگ مارچ میں شرکت کے لیے لبرٹی چوک روانہ
پی ٹی آئی کے رہنما فواد چوہدری دیگر رہنماؤں کے ہمراہ لانگ مارچ میں شرکت کے لیے لبرٹی چوک روانہ ہو گئے۔
کارکنوں کی آمد کا سلسلہ جاری ہے! #حقیقی_آزادی_لانگ_مارچ pic.twitter.com/QDNBQla42d
— PTI (@PTIofficial) October 28, 2022
آج عمران خان سیاست کے آخری 5 اوورز کرانے جارہے ہیں، شیخ رشید
— Sheikh Rashid Ahmed (@ShkhRasheed) October 28, 2022
عوامی مسلم لیگ کے سربراہ اور سابق وزیر داخلہ شیخ رشید نے کہا ہے کہ آج عمران خان سیاست کے آخری 5 اوورز کرانے جارہے ہیں۔
سماجی رابطے کی ویب سائٹ ٹوئٹر پر اپنا بیان جاری کرتے ہوئے عوامی مسلم لیگ کے سربراہ شیخ رشید نے کہا کہ نومبر میں آر یا پار ہوجائے گا، آج عمران خان لبرٹی چوک سے سیاست کے آخری 5 اوور کروانے جارہے ہیں، میں خود بھی لبرٹی چوک جاؤں گا، آئندہ جمعہ کو لانگ مارچ راولپنڈی پہنچے گا۔
شیخ رشید نے کہا کہ میری دعا ہے کہ لانگ مارچ امن و امان آئین اور قانون کے مطابق اپنے مقاصد حاصل کرے،غریب عوام اور پاکستان سنگین ترین بحران سے گزر رہا ہے۔
لانگ مارچ میں شرکت کے لیے مختلف علاقوں سے قافلے لبرٹی چوک کے لیے روانہ
مختلف علاقوں سے #حقیقی_آزادی_لانگ_مارچ کے قافلے لبرٹی کے لیے روانہ- pic.twitter.com/aB2WlG8SR7
— PTI (@PTIofficial) October 28, 2022
چیئرمین تحریک انصاف عمران خان کی زیر قیادت پی ٹی آئی کے حقیقی آزادی مارچ کا آج سے آغاز ہو گیا ہے جس کے لیے قافلے لبرٹی چوک کے لیے روانہ ہو گئے ہیں۔
تحریک انصاف نے آج دن گیارہ بجے لاہور کے لبرٹی چوک سے حقیقی آزادی مارچ کے آغاز کا اعلان کیا تھا۔
صوبے اور شہر کے مختلف علاقوں سے قافلے لاہور کے لبرٹی چوک کے لیے روانہ ہو چکے ہیں۔
چیئرمین عمران خان کا حقیقی آزادی مارچ کے حوالے سے خصوصی پیغام #WeTrustImranKhan pic.twitter.com/bAcQ0fs0AJ
— PTI (@PTIofficial) October 27, 2022