ترکیہ نے بھارت میں کیبل پُل ٹوٹنے کے نتیجے میں ہلاک ہونے والوں کے لئے تعزیتی پیغام جاری کیا ہے۔
ترکیہ وزارت خارجہ نے جاری کردہ بیان میں کہا ہے کہ "کل، بھارت کے صوبہ گجرات میں پُل ٹوٹنے کے نتیجے میں انسانوں کے ہلاک اور زخمی ہونے پر ہمیں شدید افسوس ہوا ہے”۔
بیان میں کہا گیا ہے کہ "ہم، بھارت کے عوام، حکومت اور ہلاک ہونے والوں کے لواحقین کے ساتھ قلبی اظہارِ تعزیت کرتے اور زخمیوں کی فوری صحتیابی کے متمنی ہیں”۔
واضح رہے کہ کل بھارت کے صوبہ گجرات کے قصبے موربی میں دریائے مچھو پر واقع کیبل پُل ٹوٹ گیا۔ حادثے کے وقت پُل پر کم از کم 500 افراد موجود تھے۔
بھارتی ذرائع ابلاغ نے حادثے میں 141 اموات کا اعلان کیا تھا