ترکیہ کے وزیر خارجہ میولود چاوش اولو نے روس کے وزیر خارجہ سرگے لاوروف کے ساتھ ٹیلی فونک ملاقات کی۔
ترکیہ وزارت خارجہ کے جاری کردہ بیان کے مطابق مذاکرات میں چاوش اولو اور لاوروف نے اناج راہداری کے موضوع پر بات چیت کی ۔
واضح رہے کہ گلوبل غذائی بحران کے حل کے لئے ترکی کے زیرِ انتظام جاری اناج کی ترسیل کا سمجھوتہ، 22 جولائی کو استنبول میں صدر رجب طیب ایردوان کی زیرِ نگرانی یوکرین، روس، ترکیہ اور اقوام متحدہ کے درمیان طے پایا تھا۔
روس نے 29 اکتوبر کو یوکرین سے غذائی مصنوعات کے اخراج کے سمجھوتے کو غیر معینہ مدت کے لئے التوا میں ڈالنے کا اعلان کیا تھا۔