کراچی : پاکستان کی تاریخ میں پہلی مرتبہ دینی مدارس کے طلبہ اسکاؤٹ بنیں گے اور کراچی وحیدرآباد کے دینی مدارس کے 500 طلبہ اسکاوٹ کیمپ میں شرکت کریں گے۔
اس حوالے سے سیکرٹری سندھ بوائز اسکاوٹ ایسوسی ایشن سندھ کا کہنا ہے کہ کراچی میں گلشن اقبال میں واقع اسکاؤٹ ہیڈ کواٹرز میں 4 سے 6 نومبر تک 3 روزہ اسکاؤٹ کیمپ منعقد ہوگا جس میں جامعہ الرشید احسن آباد اور جامعہ بنوریہ سائٹ سمیت 12 دینی مدارس کے طلبہ شرکت کریں گے۔
سیکرٹری کا کہنا تھا کہ دینی مدارس کے طلبہ باشعور ہیں اور وہ کیمپ کا حصہ بن کر معاشرے میں اہم کردار ادا کریں گے۔