سویڈن کے وزیر اعظم’ اُلف کرسٹوشون’ ، 8 نومبر کو، ترکیہ کے دورے پر تشریف لا رہے ہیں۔
سویڈن حکومت کے جاری کردہ بیان کے مطابق کرسٹوشون ، صدر ایردوان کے ساتھ ملاقات کے لئے دارالحکومت انقرہ کا دورہ کریں گے۔
واضح رہے کہ کرسٹوشون نے 20 اکتوبر کو صدر ایردوان کو ارسال کردہ مراسلہ میں کہا تھا کہ وہ، سویڈن کی نیٹو رکنیت پر بات چیت کے لئے، دورہ انقرہ پر تیار ہیں۔
سویڈن کی وزارت انصاف نے بھی اسی موضوع پر بات چیت کے لئے 5 تا 6 اکتوبر کو انقرہ کا دورہ کیا اور ترکیہ وزارت انصاف کے وفد سے ملاقات کی تھی۔
28 جون کو نیٹو کے میڈرڈ سربراہی اجلاس میں ترکیہ، فن لینڈ اور سویڈن نے سہ فریقی میمورینڈم پر دستخط کئے تھے۔