نئی دہلی: بھارتی کرکٹ ٹیم کے سابق کپتان سنیل گواسکر نے کہا ہے کہ سوریا کمار یادیو کے آوٹ ہونے کے بعد بھارتی ٹیم مشکلات کا شکار ہو جاتی ہے۔
بھارتی میڈیا کے مطابق سنیل گواسکر نے کہا کہ سوریا کمار یادیو گراونڈ کے چاروں طرف شاٹ کھیلتے ہیں،انہوں نے ٹی ٹوئنٹی نمبر ون بیٹر کی تعریف کرتے ہوئے کہا کہ بھارتی ٹیم کی جانب سے اچھا ٹوٹل بنانے کی وجہ سوریا کمار یادیو ہیں۔
سنیل گواسکرکا کہنا تھا کہ سوریا کمار یادیو کے 61 رنز کے بغیر میلبرن کے گراونڈ بھارتی ٹیم 150رنز بھی نہیں بنا سکتی تھی،ان کا کہنا تھا کہ کے ایل راہول کو بھی ذمے داری کا مظاہرہ کرنا چاہیے، ابھی ویرات کوہلی اور سوریا کمار یادیو اچھی فارم میں ہیں۔