اسلام آباد : وفاقی وزیر داخلہ رانا ثناءاللہ نے کہا ہے کہ کے پی اور پنجاب میں ابتر صورتحال کے باعث گورنر راج لگایا جا سکتا ہے، یہ ایک آئینی عمل ہے، وفاقی حکومت پاکستان کے شہریوں کو تحفظ فراہم کرنے کےلئے تمام اقدامات اٹھائے گی،
رانا ثناءاللہ کاکہناتھاکہ صوبائی حکومتیں اگر لوگوں کو آزادانہ نقل و حرکت دینے سے گریزاں ہو جائیں تو آئین نے ایسی ہی صورتحال کےلئے گورنر راج کا آپشن رکھا ہے ،صدر مملکت وزیراعظم کے مشورے کے پابند ہیں، صدر کے اتنے اختیارات نہیں ہیں کہ وہ اپنی ناک پر بیٹھی مکھی کو بھی اڑا سکے۔
نجی ٹی وی کے پروگرام میں گفتگو کرتے ہوئے وزیر داخلہ کاکہناتھا اگر کے پی اور پنجاب میں کوئی ابتر صورتحال بن جائے جس کا آغاز ہو گیا ہے تو گورنر راج لگایا جا سکتا ہے، گورنر راج ایک آئینی عمل ہے، وفاقی حکومت پاکستان کے شہریوں کو تحفظ فراہم کرنے کےلئے تمام اقدامات اٹھائے گی، صوبائی حکومتیں اگر لوگوں کی آزادانہ نقل و حرکت دینے سے گریزاں ہو جائیں تو آئین نے ایسی ہی صورتحال کےلئے گورنر راج کا آپشن رکھا ہے۔