اسلام آباد: پاکستان تحریک انصاف (پی ٹی آئی) نے سینیٹ کے محاذ پر نئی حکمت عملی تیار کر لی ۔اعظم سواتی کو نیا اپوزیشن لیڈر بنائے جانے کا امکان ہے۔
نجی ٹی وی نے ذرائع کےحوالے سے اپنی رپورٹ میں بتایاکہ پاکستان تحریک انصاف کی جانب سے سینیٹ میں اپوزیشن لیڈر شہزاد وسیم کی جگہ اعظم سواتی کو اس منصب پر لانے کا امکان ہے۔ اس سلسلے میں حتمی فیصلہ تحریک انصاف کے چیئر مین عمران خان کریں گے۔
ذرائع کا کہنا ہے کہ پی ٹی آئی جلد اس حوالے سے ضابطہ کی کارروائی کے لیے چئیرمین سینٹ کو خط لکھے گی۔ اعظم سواتی کی جدوجہد کو دیکھتے ہوئی انہیں یہ ذمے داری دی جارہی ہے۔
