اسلام آباد:پاکستان تحریک انصاف کے رہنمافواد چوہدری نے کہا ہے کہ محمد بن سلمان نے صرف دورہ پاکستان نہیں بلکہ دورہ ایشیاء ملتوی کیا ہے۔
سماجی رابطے کی ویب سائٹ ٹوئٹرپربیان میں فواد چوہدری نے کہا کہ پاکستان کے اہم وزیر کی اخلاقی حالت یہ ہے کہ انہیں جھوٹ بولتے ذرا بھی مسئلہ نہیں، محمد بن سلمان نے ایشیا کا دورہ ملتوی کیا ہے صرف پاکستان کا دورہ ملتوی نہیں کیا۔
پہلی بات تو یہ ہے کہ یہ پاکستان کا اہم وزیر ہے اور اس کی اخلاقی حالت یہ ہے کہ انھیں جھوٹ بولتے ذرا بھی مسئلہ نہیں، محمد بن سلمان نے ایشیاء کا دورہ ملتوی کیا ہے صرف پاکستان کا دورہ ملتوی نہیں کیا، https://t.co/Y7UqE9V4GV
— Ch Fawad Hussain (@fawadchaudhry) November 13, 2022
انہوں نے مزید کہا کہ دوسرے ممالک کے تجزیہ کار اپنے حکمرانوں کو رائے دے رہے ہیں اور ان کا تجزیہ یہ ہے کہ موجودہ حکمرانوں سے تعلق پاکستان کے عوام سے لاتعلقی کا اظہار ہو گا لہذا پاکستان سے لانگ ٹرم تعلقات میں دلچسپی رکھنے والا کوئی بھی ملک موجودہ حکمرانوں سے فاصلہ رکھے گا۔
