اسلام آباد: الیکشن کمیشن نے سندھ سے سینیٹ کی خالی نشست پر انتخاب کا شیڈول جاری کردیا، جس کے مطابق سندھ کی سینیٹ کی خالی نشست پر پولنگ 8 دسمبر کو ہو گی۔
الیکشن کمیشن آف پاکستان نے سندھ سے سینیٹ کی خالی نشست پر انتخاب کا شیڈول جاری کردیا۔ سینیٹ کی خالی نشست پر کاغزات نامزدگی 18نومبر سے 22نومبر کو وصول کیے جائیں گے۔
سندھ کی سینیٹ کی خالی نشست پر پولنگ 8 دسمبر کو ہو گی۔ پولنگ کا عمل صبح نو بجے سے شام چار بجے تک ہو گا۔
واضح رہے سینٹ کی یہ نشست پیپلز پارٹی کے مصطفی نواز کھوکھر کے استعفی دینے کے باعث خالی ہوئی ہے۔
