لاہور: وفاقی وزیر داخلہ رانا ثناء اللہ اور ان کی اہلیہ کو انسداد بدعنوانی نے بیانات قلمبند کرنے کیلئے طلب کرلیا۔
ایکسپریس نیوز کے مطابق وفاقی وزیر داخلہ رانا ثنا اللہ پر کلر کہار میں بسمہ اللہ فارم ہاوسنگ سوسائٹی میں 2 فارم ہاوسز بطور رشوت لینے کا الزام ہے، اسی لیے اینٹی کرپشن لاہور ہیڈکوارٹرز کی ٹیم نے رانا ثناء اور ان کی اہلیہ کو بیانات قلمبند کرنے کیلئے طلب کیا ہے۔
ذرائع اینٹی کرپشن کا کہنا ہے کہ دونوں پلاٹس رانا ثنااللہ کی اہلیہ کو بلامعاوضہ بطور رشوت دیئے گئے، اینٹی کرپشن کا رانا ثناء اللہ اور ان کی اہلیہ کو 22 نومبر کو 11 بجے پیش ہونے کا نوٹس جاری کردیا۔
