لاہور:چیئرمین تحریک انصاف و سابق وزیراعظم عمران خان نے کہا ہے کہ شوکت خانم اسپتال کراچی پاکستان کا سب سے بڑا ٹراسٹری کئیر کینسر اسپتال ہو گا،تکمیل کا کام شروع ہو چکا ہے،دسمبر 2023ء تک کھل جائے گا۔
سماجی رابطے کی ویب سائٹ پر عمران خان نے ٹوئٹ کرتے ہوئے کہا کہ عوام کے تعاون کی ضرورت ہے،کراچی ، اندرون سندھ اور بلوچستان کے لوگوں کو کینسر کا علاج فراہم کرنا ہے۔
شوکت خانم میموریل کینسرہسپتال اینڈ ریسرچ سنٹر کراچی کی عمارت کا ڈھانچہ مکمل ہوچکاہے۔لاہور کے اسپتال سےدوگنی جسامت کا حامل یہ کینسر اسپتال پاکستان میں ثالثی درجے (Tertiary Care) کی صحت کی سہولیات فراہم کرنےوالا سب سےبڑا مرکز ہوگا۔تزئین و آرائش کےسلسلےکا آغاز ہوچکاہےاور دسمبر 2023 pic.twitter.com/X4NdRblLDZ
— Imran Khan (@ImranKhanPTI) November 28, 2022
انہوں نے کہا کہ شوکت خانم اسپتال کراچی کا اسٹرکچر مکمل ہو گیا ہے،کراچی کا کینسر اسپتال لاہور کے اسپتال سے دگنا بڑا ہے، یہ پاکستان کا سب سے بڑا ٹراسٹری کئیر کینسر اسپتال ہو گا، اسپتال کی تکمیل کا کام شروع ہو چکا ہے،دسمبر 2023ء تک کھل جائے گا۔
پی ٹی آئی چیئرمین کا کہنا تھا کہ منصوبے کو بروقت مکمل کرنے کیلئے ہمیں آپ(عوام) کے تعاون کی ضرورت ہے، کراچی ، اندرون سندھ اور بلوچستان کے لوگوں کو کینسر کا علاج فراہم کرنا ہے،اسپتال مکمل کرنے کیلئے ہمیشہ کی طرح پاکستان کے لوگوں پر بھروسہ کر سکتا ہوں۔