لاہور:پی ٹی آئی پنجاب کی رہنما ڈاکٹر یاسمین راشد نے کہا ہے کہ معاشی حالات کے استحکام کیلئے انتخابات انتہائی اہم ہوچکے ہیں۔
صدر پی ٹی آئی وسطی پنجاب یاسمین راشد کی زیر صدارت مشاورتی اجلاس ہوا، جس میں اسمبلی سے استعفے کے بعد انتخابات کی تیاری پر تبادلہ خیال کیا گیا،اس موقع پر ڈاکٹر یاسمین راشد نے اعظم سواتی کی گرفتاری کی پرزور مذمت کرتے ہوئے کہا کہ گرفتاری کے خلاف جلد سپریم کورٹ رجسٹری کے سامنے احتجاج کریں گے۔
رہنما پی ٹی آئی کا کہنا تھا کہ مولانا فضل الرحمن کی تربیت میں کمی ہے اس لیے وہ ماں، بیٹیوں کے خلاف ایسی زبان استعمال کرتے ہیں۔