کراچی کے علاقے گلستانِ جوہر میں ایک کچرا کنڈی سے انسانی ڈھانچہ ملا ہے۔
پولیس کے مطابق گلستانِ جوہر میں پرفیوم چوک کے قریب واقع کچرا کنڈی سے انسانی ڈھانچہ برآمد ہوا ہے۔
ریسکیو ادارے کی ایمبولینس کے ذریعے ملنے والے انسانی ڈھانچے کو جناح ہسپتال منتقل کر دیا گیا ۔ انسانی ڈھانچے کا ڈی این اے ٹیسٹ کرایا جائے گا جس کی رپورٹ کے بعد پتہ لگ سکتا ہے کہ یہ ڈھانچہ خاتون کا ہے یا مرد کا۔
انسانی ڈھانچہ کون کچراکنڈی میں پھینک کر گیا، پولیس کی جانب سے اس حوالے سے تفتیش کی جا رہی ہے۔اس ضمن میں پولیس کچرا کنڈی کے اطراف کی سی سی ٹی وی فوٹیج حاصل کرنے کی کوشش کر رہی ہے۔