اسلام آباد: پیپلز پارٹی کے سیکرٹری جنرل سید نیر بخاری نے کہا ہے کہ یہ ہے جمہوریت کا انتقام، اقتدار میں اپوزیشن سے ہاتھ نہ ملانے والا مزاکرات کیلئے منتیں کر رہا ہے ،جمہوری تسلسل میں رکاوٹ پیدا کرنے کی سازش کرنا جمہوریت دشمنی کے مترادف ہے۔
جمعہ کو عمران خان کے بیان پر ردعمل میں نیر بخاری نے کہا ہے کہ معاشی بدحالی صنعتی پہیہ جام کرنے کا زمہ دار عمران خان معاشی استحکام کا دعویدار ہے۔
انہوں نے کہا ہے کہ معاشی استحکام کیلئے سیاسی استحکام ضروری ہے۔ قبل از وقت انتخابات مطالبہ ممنوعہ فنڈنگ توشہ خانہ بدعنوانی کیسسز سے توجہ ہٹانے کی ناکام کوشش ہے۔ پی ٹی آئی ممبران پنجاب اسمبلی کی بڑی تعداد استعفے دیکر ووٹرز کو حق نمائندگی سے محروم نہیں کرنا چاہتے۔