امریکی امور خارجہ کے ترجمان نیڈ پرائس نے کہا ہے کہ ہم ترکیہ کی دفاعی ضروریات پوری کرنے کے خواہاں ہیں۔
نیڈ پرائس نے اپنی یومیہ پریس کانفرنس کے دوران کہا کہ ترکیہ نیٹو کا اہم اتحادی ملک ہے لہذا ہم اس کی دفاعی ضروریات کو پورا کرنے اور استعداد کو بڑھانے کے خواہاں ہیں، ترکیہ نیٹو کا وہ اتحادی ملک ہے جو دہشتگردی سے سب سے زیادہ متاثر رہا ہے لہذا اُس کی سلامتی اور تعاون ہمارے لیے اہم ہے۔
امریکی ترجمان نے مزید کہا کہ دونوں صدور نے جون میں میڈریڈ میں ملاقات کے دوران اس حوالے سے بات چیت کی تھی جس کے بعد اس موضوع پر کانگریس میں بھی مشاورت کی گئی تھی ۔