برطانیہ ہڑتالوں کی لپیٹ میں، وزیر اعظم کی وارننگ: ہڑتالوں کا سخت جواب دیا جائے گا

برطانیہ میں، تنخواہ میں اضافے کی  تجویز کے شرح افراطِ زر سے کم ہونے، پنشنوں اور کام کی شرائط  پر اختلافات کی وجہ سے، حالیہ مہینوں میں ہڑتال کا فیصلہ کرنے والے سیکٹروں کی تعداد میں مستقل اضافہ ہو رہا ہے۔

استعفیٰ مظاہرے میں شامل مظاہرین میں اساتذہ، بس ڈرائیور، بندرگاہوں کے مزدور، صحافی، سرکاری ملازمین، تعزیراتی وکلاء، ریلوے مزدور، ایئر پورٹ ملازمین، یونیورسٹیوں اور ڈاک خانوں کے ملازمین سمیت مختلف پیشوں سے منسلک گروپ شامل ہیں۔

ملک میں بس ڈرائیور گذشتہ مہینے کی  3 روزہ ہڑتال کے بعد احتجاج کو  1،2،3،9،10،16 اور 17 دسمبر کی تاریخوں میں ‘استعفیٰ مظاہرے’ کے ساتھ جاری رکھیں گے۔

گالر اور شمالی آئیر لینڈ میں ہزاروں افراد پر مشتمل نرس عملہ 15 اور 20 دسمبر کو اجتماعی ہڑتال کی تیاریاں  کر رہا ہے۔ تنخواہوں میں اضافے اور کام کی شرائط پر عدم اتفاق کی وجہ سے ایمبولینسوں اور ایمرجنسی سروس کا 10 ہزار سے زیادہ عملہ 21 اور 28 دسمبر کو ہڑتال کرے گا۔

تقریباً 40 ہزار ریلوے ملازمین 13 سے 14 دسمبر، 16 سے 17 دسمبر ، 3 سے4 جنوری اور 6 سے 7 جنوری کو اڑتالیس اڑتالیس گھنٹے کی ہڑتال پر مشتمل کُل 8 روزہ ہڑتال کریں گے۔

ایئر پورٹ ملازمین کرسمس کے دنوں میں 23 سے 26 دسمبر اور 28 سے 31 دسمبر کو برمنگھم، کارڈف، گیٹ وِک، گلاسگو، ہیتھرو اور مانچسٹر  ایئر پورٹوں  اور نیو ہیون ایئرپورٹ پر 8 روزہ ہڑتال کریں گے۔

دوسری طرف حکومت مستقل بڑھتی ہوئی ہڑتالوں سے نبٹنے کے راستے ڈھونڈ رہی ہے ۔

وزیر اعظم رشی سونک نے ہڑتال کا فیصلہ کرنے والی لیبر یونینوں کو سخت جواب کی وارننگ دی اور کہا ہے کہ ہم ہڑتالوں کے خلاف نئے قوانین پر کام کر رہے ہیں۔

برطانیہ حکومت نے جاری کردہ اعلان میں کہا ہے کہ  خاص طور پر ہڑتال کا سبب بن سکنے والے پہلووں پر قابو پانے کے لئے 2 ہزار  پولیس عملےکو متعین کیا جا سکتا ہے۔

حکومتی حکام نے کہا ہے کہ فوجی عملے کو خدمات سیکٹر کے ساتھ تعاون کی تربیت دی گئی ہے اور فوجیوں  کو بحیثیت ایمبولنس ڈرائیور اور فائر بریگیڈ عملے کے متعین کیا جا سکتا ہے۔

واضح رہے کہ برطانیہ  حالیہ 41 سالوں کے بلند ترین  افرطِ زر کا سامنا کر رہا ہے۔