صدر پاکستان عارف علوی کا کہنا ہے کہ اقوام متحدہ کشمیریوں کے بنیادی حقوق کے تحفظ کے لئے کردار ادا کرے۔
انسانی حقوق کے عالمی دن کے موقع پر اپنے پیغام میں صدر نے کہا کہ یہ دن انسانی حقوق کےعالمی منشورکی یاد میں منایا جاتا ہے، ہماری اپیل ہے کہ اقوام متحدہ کشمیریوں کے بنیادی حقوق کے تحفظ کے لئے بھی کردار ادا کرے۔
انہوں نے کہا کہ مقبوضہ کشمیر میں انسانی حقوق کی خلاف ورزیوں کو فراموش نہیں کیا جا سکتا، پاکستان کا آئین انہی اقدار کی عکاسی کرتا ہے، ہر پاکستانی شہری کی حوصلہ افزائی کی جانی چاہیے کہ وہ اپنےفرائض نہ بھولے اور اپنے بنیادی اصولوں پر کبھی سمجھوتہ نہ کرے۔
واضح رہے کہ اقوام متحدہ جنرل اسمبلی نے 74 سال قبل انسانی حقوق کا عالمی منشور منظور کیا تھا۔