یورپی یونین کے ہائی کمشنر جوزف بوریل نے کہا ہے کہ روس کے لئے نئے پابندی پیکیج کی منظوری پر اتفاق نہیں ہو سکا۔
بوریل نے یورپی یونین وزرائے خارجہ اجلاس کے اختتامی بیان میں کہا ہے کہ روس کے خلاف 9 ویں پابندی پیکیج کی منظوری کے لئے وزراء کے درمیان اتفاق نہیں ہو سکا۔
انہوں نے کہا ہے کہ پابندی پیکیج میں شامل تقریباً 200 افراد اور ان کے اثاثوں سے متعلق شخصی پابندیاں منظور ہو گئی ہیں اور مجھے امید ہے کہ رواں ہفتے کے دوران پیکیج بھی منظور کر لیا جائے گا۔
بوریل نے کہا ہے کہ” 9 واں پابندی پیکیج روس کے دفاعی سیکٹر کو اور فوج کو سخت نقصان پہنچائے گا یہی نہیں روسی حکومت کے دوما، وفاقی کونسل اور عدلیہ سے متعلق منجھی ہوئی سیاسی شخصیات کو بھی شدید متاثر کرے گا”۔
واضح رہے کہ یورپی یونین کمیشن کی حالیہ پابندی پیکیج تجویز میں تقریباً 200 افراد اور اداروں اور 3 روسی بینکوں کو پابندیوں کی فہرست میں شامل کیا گیا تھا۔ علاوہ ازیں تجویز میں دو دفعہ قابل استعمال مصنوعات کی درآمد اور کان کنی پر پابندیوں کو بھی جگہ دی گئی تھی۔
یورپی یونین کے ہائی کمشنر جوزف بوریل نے بیان میں، آج ‘یورپی یونین ۔ مشرقی اتحاد سربراہی اجلاس’ میں یورپی یونین وزرائے خارجہ کی، یوکرین، جارجیا، مولدووا، آرمینیا اور آذربائیجان کے، ہم منصبوں کے ساتھ ملاقات کا اور ملاقات میں وزرائے خارجہ کے درمیان یوکرین جنگ اور اس کے اثرات پر بات چیت کا بھی ذکر کیا ہے۔