اسلام آباد: متحدہ قومی موؤمنٹ پاکستان کے وفد نے پیپلز پارٹی سے متعلق شکایات کے وزیراعظم شہباز شریف کے سامنے انبار لگا دئیے۔
ایکسپریس نیوز کے مطابق متحدہ قومی موؤمنٹ (ایم کیو ایم) پاکستان کے وفد نے خالد مقبول صدیقی کی قیادت میں وزیراعظم شہبازشریف سے ملاقات کی ہے، ملاقات میں گورنر سندھ کامران ٹیسوری اور سابق میئر کراچی وسیم اختر بھی شامل تھے۔
ذرائع کا کہنا ہے کہ ایم کیو ایم نے سندھ سے متعلق پارٹی کے تحفظات سے وزیراعظم کو آگاہ کیا اور پیپلزپارٹی سے متعلق شکایات کے وزیراعظم کو انبار لگا دئیے۔
ایم کیو ایم ذرائع نے کہا کہ کراچی کے بلدیاتی انتخابات میں ہمارے فلیکسز اور بینرز اتارے جارہے، پیپلزپارٹی نے جو وعدے کئیے تھے ان پر بھی تاحال عمل در آمد نہیں ہورہا۔
ایم کیو ایم وفد سے ملاقات کے دوران وزیر اعظم نے وفد کے تحفطات پر پیپلزپارٹی سے بات کرنے کی یقین دہانی کرادی۔