وفاقی وزیر خزانہ اسحاق ڈار نے جمعرات 15 دسمبر کو اعلان کیا ہے کہ ملک بھر میں پٹرول کی قیمتوں میں 10 روپے کمی کر دی گئی ہے۔ نئی قیمتوں کا اطلاق 16 دسمبر سے ہو گا۔
وفاقی حکومت کے اس اعلان کے بعد پٹرول کی نئی قیمت 214.80 روپے فی لیٹرہو گی۔ اسی طرح ڈیزل کی قیمت میں بھی 7.50 روپے کی کمی کا علان کیا گیا ہے۔ ڈیزل کی نئی قیمت 227.80 روپے ہو گی۔
وزیر خزانہ اسحاق ڈار نے یہ اعلان اپنے ایک ویڈیو خطاب میں کیا ہے۔ ان کا کہنا تھا پٹرول کی قیمت میں کمی وزیراعظم شہباز شریف کی عوام کو زیادہ سے زیادہ ریلف دینے کی پالیسی کے مطابق ہے۔
