جرمنی کے دارالحکومت برلن میں 1500 مچھلیوں پر مشتمل، 16 میٹر بلند اور 11،5 میٹر قطر والا میگا ایکواریئم ایک لمحے میں پھٹ گیا۔
برلن پولیس نے جاری کردہ بیان میں کہا ہے کہ آج صبح، سیلنڈر کی شکل کا، "سی لائف” نامی ایکواریئم تا حال نامعلوم وجوہات کی بنا پر ایک دھماکے کے ساتھ پھٹ گیا ہے۔
بیان میں کہا گیا ہے کہ ایکواریئم ہوٹل کے ماتھے میں نصب تھا۔ ایکواریئم پھٹنے سے ہوٹل کی عمارت کو بھی سخت نقصان پہنچا ہے۔ ہوٹل کے ٹکڑوں اور ایکواریئم کے شیشوں سے عمارت کے سامنے 2 افراد زخمی ہو گئے ہیں۔
بیان میں کہا گیا ہے کہ واقعے میں کسی تخریبی کاروائی کے کوئی آثار نہیں ملے۔ عمارت کو نقصان پہنچنے کی وجہ سے ہوٹل میں مقیم افراد کو بحفاظت نکال لیا گیا ہے۔
فائر بریگیڈ کے جاری کردہ بیان کے مطابق ایک ملین لیٹر پانی پر مشتمل ایکواریئم ایک لمحے میں پھٹ گیا ہے اور ایسا اُسی صورت میں ہوتا ہے جب ایکواریئم میں کوئی خرابی ہو۔