عمان:اردن میں پٹرولیم مصنوعات کی قیمتوں میں اضافے کے خلاف جاری احتجاج کے دوران پولیس کے مزید 2 اہلکار زخمی ہوگئے جکہ درجنوں مظاہرین کو گرفتار کرلیا گیا۔
غیر ملکی میڈیا کے مطابق اردن کے پبلک سکیورٹی ڈائریکٹوریٹ کی جانب سے اپنے ایک بیان میں بتایا گیا کہ ملک کے مختلف علاقوں میں فساد پھیلانے کے الزام میں 44 افراد کو گرفتار کیا گیا ہے جنہیں سزاں کیلئے عدالت کے سامنے پیش کیا جائے گا۔
#Jordan arrests 44 after deadly fuel protests https://t.co/HRACNLO8ax
— Ahram Online (@ahramonline) December 17, 2022
سیکورٹی ڈائریکٹوریٹ نے مزید بتایا کہ مظاہرین کی جانب سے الحسینیہ میں پولیس اہلکاروں پر فائرنگ بھی کی گئی جس کے نتیجے میں دو اہلکار گولیاں لگنے سے زخمی ہوگئے ہیں۔ یاد رہے کہ اس سے قبل صوبہ معان کے ڈپٹی پولیس چیف کرنل عبدالرزاق الدلابیح جمعرات کے روز الحسینیہ قصبے میں سر پر گولی لگنے سیجاں بحق ہوگئے تھے۔
خیال رہے کہ اردن کے جنوب میں واقع کئی صوبوں میں ٹیکسی اور ٹرک ڈرائیوروں نے گذشتہ ایک ہفتے سے زیادہ عرصے سے پٹرولیم مصنوعات کی قیمتیں بڑھنے پر ہڑتال کر رکھی ہے اور اس دوران انکی فورسز سے جھڑپیں ہوئیں۔