امریکہ کی ریاست کیلیفورنیا میں سیلاب کے نتیجے میں 2 افراد ہلاک ہو گئے ہیں۔
ساکرامینٹو کی ہنگامی حالات ٹیموں نے کثیر تعداد میں سیلاب زدگان کو ہیلی کاپٹروں کی مدد سے سیلابی پانی میں گھِرے ہوئے علاقوں سے نکال لیا ہے۔
موسلا دھار بارشوں کی لپیٹ میں آئی ہوئی ریاستوں کیلیفورنیا اور نیوادا میں تقریباً 2 لاکھ 35 ہزار مکانات اور کاروباری مراکز کے لئے بجلی کی ترسیل منقطع ہو گئی ہے۔
یو ایس جیولوجیکل سروے کے مطابق کیلیفورنیا کے قصبے ریو ڈیل میں 5،4 کی شدت سے زلزلے کے جھٹکے بھی محسوس کئے گئے ہیں۔
ریو ڈیل بلدیہ کے جاری کردہ بیان کے مطابق زلزلے کی وجہ سے علاقے میں تقریباً 100 مکانات کو نقصان پہنچا ہے۔ قصبے کے نصف سے زائد رہائشی لوڈ شیڈنگ کا سامنا کر رہے ہیں اور 30 فیصد کے لئے پانی کی ترسیل منقطع ہو گئی ہے۔