پاکستان مسلم لیگ (ن) کے صدر شہباز شریف نے پارٹی کے بڑے تنظیمی فیصلے کا اعلان کر دیا۔ مریم نواز شریف کو پارٹی کی سینئر نائب صدر مقرر کر دیا گیا۔
ترجمان ن لیگ مریم اورنگزیب نے ٹویٹر پیغام میں اعلان کیا کہ مریم نواز شریف کو پارٹی کی سینئر نائب صدر مقرر کر دیا گیا۔ پارٹی صدر کے دستخط سے فیصلے کا نوٹیفکیشن جاری کردیا گیا ہے۔
پاکستان مسلم لیگ (ن) کے صدر شہباز شریف نے پارٹی کے بڑے تنظیمی فیصلے کا اعلان کر دیا
شہباز شریف نے @MaryamNSharif مریم نواز شریف کو پاکستان مسلم لیگ (ن) کی سینئر نائب صدر مقرر کر دیا pic.twitter.com/EpiXh0t32P— Marriyum Aurangzeb (@Marriyum_A) January 3, 2023
نوٹیفکیشن میں مزید بتایا گیا ہے کہ وزیر اعظم شہباز شریف نے مریم نواز کو پارٹی کا چیف آرگنائزر بھی مقرر کیا ہے۔ جس کے بعد انہیں مسلم لیگ ن کی تنظیم نو کی ذمے داریاں سونپ دی گئی ہیں۔
وفاقی وزیر خزانہ اسحاق ڈار نے مریم نواز کو پارٹی کا سینئر نائب صدر مقرر ہونے پر مبارک باد دیتے ہوئے ان کے لیے نیک خواہشات کا اظہار کیا ہے۔
اپنے ٹوئٹر بیان میں انہوں نے کہا کہ پارٹی قائد میاں نواز شریف کے ساتھ مشاورت کے بعد مریم نواز کو چیف آرگنائزر کی ذمے داریاں تفویض کرنا خوش آئند ہوگا۔
Heartiest congratulations and best wishes for @MaryamNSharif on her appointment as SVP/Chief Organiser of PMLN by the party President @CMShehbaz in consultation with the party Quaid @NawazSharifMNS 🌺 pic.twitter.com/JO2Lg7MCiA
— Ishaq Dar (@MIshaqDar50) January 3, 2023