اسلام آباد: کمسن گھریلو ملازمہ پر تشدد کے کیس میں سول جج کی اہلیہ کی ضمانت منظور ہوگئی۔ عدالت نے رہا کرنے کا حکم دے دیا۔
نجی ٹی وی کی رپورٹ کے مطابق ایڈیشنل سیشن جج محمد ہارون نے کمسن گھریلو ملازمہ رضوانہ پر بہیمانہ تشدد کرنے کے کیس میں سول جج کی اہلیہ کو ضمانت پر رہا کرنے کا حکم دے دیا۔
عدالت نے سول جج کی اہلیہ سومیہ عاصم کی رضوانہ پر تشدد کے کیس میں ایک لاکھ روپے کے مچلکوں کے عوض ضمانت منظور کرلی۔
واضح رہے کہ ملزمہ سومیہ عاصم نے ضمانت بعد از گرفتاری کی درخواست دائر کررکھی تھی، جس پر عدالت نے فریقین کے دلائل سننے کے بعد فیصلہ محفوظ کیا تھا۔
