فیصل آباد:سابق وفاقی وزیرداخلہ اورمسلم لیگ ن پنجاب کے صدرراناثنااللہ خاں نے کہاہے کہ بجلی کی قیمت میں اضافہ آئی ایم ایف سے معاہدوں کانتیجہ ہے تاہم اس کامجرم پی ٹی آئی کاچیئرمین ہے۔
رہنما ن لیگ نے کہاکہ عمران خان نے خودکشی کے دعوے پربھی یوٹرن لے کرعوام دشمن معاہدے کئے ہم اگرمعاہدوں پرعمل نہ کرتے توپاکستان ڈیفالٹ ہوجاتا، 2018میں پی ٹی آئی کاجوپروجیکٹ پیش کیاگیاآج پوری قوم مشکلات کاشکارہے۔
انہوں نے کہاکہ قوم کواُس سے اوراُسے لانے والوں سے سوال کرناچاہئے کہ معیشت کابیڑہ کس نے غرق کیا؟ موجودہ حالات میں صاحب حیثیت لوگوں کوغریب طبقہ کے لئے اخلاقی طورپرکرداراداکرناچاہئے۔
